India-Bangla stakeholders’ meet Guwahati-in thleng dawn

Assam state khawpui Guwahati chuan India-Bangla stakeholders’ meet October 22 leh 23-a neih tur a thleng dawn.

Hemi chungchangah hian Assam chief minister Sarbananda Sonowal chuan Act East Affairs department chu he meeting a hlawhtlin theihna tur hian kawng engkimah hma la turin a ti.  Sarbananda Sonowal hian he meeting buaipuitu tur Act East Policy Affairs Department, Assam sorkar leh sorkar laipuia Ministry of Commerce and Industries-te hmalakna chu Ningani khan a enfiahpui a ni.

India-Bangla stakeholders’ meet-ah hian union minister, state minister, ambassador, foreign investor, sumdawng mite leh corporate thlenga thawhdunna tur chungchang chu an tinzawn ber tur a ni dawn. Chittagong leh Mongla Ports inkar hman theihna tur leh BBIN Motor Vehicle Agreement chungchangte pawh meeting-ah hian sawi a nih rin a ni bawk.

Sonowal chuan stakeholder meeting, Act East Policy kaihhnawiha neih turah chuan ram pahnihte conventional leh non-conventional area-ahte thawkduna hlawkna an neih tur chungchang ngaihtuah a ni dawn tih a sawi bawk a ni. 

Ningania meeting an neihah hian State industries and commerce minister Chandra Mohan Patowary, chief minister principal secretary Sanjay Lohiya, commissioner and secretary to Industry and Commerce K K Dwivedi, commissioner and secretary, Guwahati Development and Urban Development Departments, S S Meenakshi Sundaram-te pawh an tel a ni.