People’s Party of Arunachal-in sorkar laipui dem

Arunachal Pradesh-a regional party, People’s Party of Arunachal (PPA) chuan China sorkarin Upper Subansiri district huam chhunga China sorkarin khua a rawn din nia report a awm hnuah pawh sorkar laipui a la ngawih reng avangin mak an tih thu leh, an dem thu an sawi. 

PPA chuan he thil thleng chungchanga Arunachal Pradesh MP pahnih, union minister Kiren Rijiju leh Tapir Gao-te thusawi  inkalh chu pawi an tih thu an sawi bawk. "Union minister for youth affairs& sports Kiren Rijiju chuan Congress sorkar lai aṭanga thil awm ṭhin nia sawiin, thil thar danglam vak a awm lo niin China chetdan chungchang hi a sawi. Hetih lai hian BLP leader hlun ber zinga mi, Tapir Gao chuan Arunachal Pradesh ram chin, km 5-6 chinah China hi an lut ngei niin a sawi  a, hei hi Parliament-ah pawh sawichhuakin record a ni  bawk a ni," tiin PPA secretary-general Kaling Jiang chuan a sawi. 

Ramri chungchanga sorkar laipui leh state sorkar chu khauh taka ding tura an duh thu sawiin, he thil thlengah hian a dinna chiang takin thuchhuah hmanga siam turin an duh a, ramri buaina pawh chu boruak ṭha tak hnuaia chingfel turin an duh tih PPA chuan an tarlang.