Meghalaya CM-in India rama steel arch bridge thui ber a hawng

Meghalaya chief minister Conrad K Sangma chuan kar liam ta Zirtawpni khan India rama steel arch bridge thui ber, East Khasi Hills-a Nongiri hmuna Bholgang leh Sobar inkara dawh chu a hawng. 

Bangladesh ramri bul, Wahrew lui chunga lei dawh hi meter 160.350-a thui niin, cheng vaibel­chhe 49.395 senga siam a ni. Lei dawhna senso hi Union Ministry of Development of North Eastern Region (DoNER)-a Non-Lapsable Central Pool of Resources aṭanga sanction a ni. 

Lei hawngtu, Chief Minister Sangma chuan, "Meghalaya mipui, a bikin East Khasi Hills mipuiten Bholaganj leh Sohbar inkalpawhna tur lei dawh hi an lo nghakhlel tawh hle a ni," tiin he lei hian state chhung ramri hrula tourism leh economic acitivy pawh a puih ngei tur thu a sawi. Lei hawnnaah hian deputy chief minister Prestone Tynsong, Assem­bly speaker Metbah Lyngdoh, MLA Balajied Synrem leh sorkar official eng emaw zat an tel.