NFR-in station 22-ah 'Digital Museum' dah

Northeast Frontier Railway (NFR)-a Signal & Telecommunication department chuan NFR hnuaia station 22-ah 'Digital Museum' a dah.  

Digital museum hi ramchhunga rel station hrang hrangah, Rail Display Network (RDN) policy anga dah a ni tih NFR chief public relations officer chuan a sawi. RDN policy angin, kum 2021-ah chuan ramchhunga rel station lianah chuan  high-tech centralized network display screen dah vek tum a ni. 

Railway Board chuan India ram puma station pawimawh zualah digital museum hi dah vek a tum bawk. Digital museum hi khualzinte hnena Indian Railways ropuina hrang hrangte entirna atana hman a ni a, Heritage Directorate of Railway Board chuan heritage building, locomotive, train station, hill railway leh thildang tarlanna,  short film 40 chuang zet chu mipuite hmuha tihchhuah ṭhin turin a pe a ni.