Tripura: ADB loan first installment pawm

Tripura sorkarin district pasarih headquarters-ah infrastructure tihchangtlunna tura Asian Development Bank (ADB) aṭanga loan a lak tur, cheng vaibelchhe 1,650 aṭang­in a first installement chu pawmsak an ni tih official thuchhuah chuan  a tarlang. 

Official thuchhuahah hian, union finance ministry hnuaia department of economic affairs chuan, state sorkar hnuaia urban development department kaltlanga district headquarters pasarih tihhmasawnna tura loan lak tum, first installment chu a pawmsak ta tih a sawi. 

ADB loan, first install­ment an lak tur cheng vai­belchhe 17.75 chu hna­thawh­na hmun tur enfiah leh zirchianna atan hman a ni dawn. District pasarih headquarters-a kawngpui, tui supply, tui paihna leh urban in­frastructure work atan Detailed Project Report (DPR) thehluh chu ADB official-ten an enfiah hnuah pawmsak an ni ta a ni. 

Nikum December, kumin February leh June thla khan ADB aṭang­in member panga awmna team chuan Tripura hi an lo tlawh tawh a ni.  Loan first installment pek an nih tak avangin hna pawh ṭan nghal thuai a nih tur thu official-te chuan an sawi.