AP CM-in Yagamso lei a hawng

Arunachal Pradesh chief minister Pema Khandu chuan Yagamso lei, meter 16-a sei chu Thawhṭanni khan a hawng.  

Yagamso lei, RCC hmanga siam hi state khawpui Itanagar-a traffic tawt lutuk tihziaawmna atana siam a ni. Chief Minister chuan he lei hawn hian Rk Mission Hospital leh Bank Tinali inkar, NH-415-a traffic tawt lutuk chu a tihziaawm phah dawn tih a sawi. Lei dawh hna thawktu, state Public Works Department-in thla hnih chhunga an siam zo hman chu a fak nghal bawk. 

Khandu chuan ESS sector kaltlanga motor tlanna tur kawng dang an siam pawh nakkum March thla chuan hawn hman a ni dawn tih sawiin, khawpui chhung traffic tawt chuan ziaawm lam a pan chho thei zel dawn a ni, a ti. State capital region-a kawngpui hrang hrang siamṭhatna turin sorkar chuan cheng vaibelchhe 100 a dah thu CM chuan a sawi. Kum nga chhungin admistrative headquarters tina kawngpuite chu siamṭhat vek an nih tur thu a sawi bawk. 

Itanagar-Naharlagun inkara four lane siam hna thawh mek endik tu tur committee din a nih thu CM chuan a sawi a, anni hian hnathawhte hi vilin, hma an sawn dante an endik reng tih a sawi.