Maguri-Motapung Beel bula gas pipeline dah tum duh lo

Assam-a Tinsukia Regio­nal Students’ Union (TRSU), Makum Anchalik Students’ Union leh environmental NGO-te chuan Oil India Li­mited-in Bagjan leh Duliajian inkar, Maguri-Motapun Beel-a gas pipeline dah tum chu duh loin, nawrh huaihawtah an vau. 

Maguri-Motapung Beel hi Importand Birds Area (IBM)-ah puan a ni a, Dibru-Saikhowa National Park chhim lam km 10 vela hlaa awm niin, Dibru-Saikhowa Biosphere Reserve chhunga a awm a ni. Tinsukia Deputy Commi­ssioner hnena memorandum an thehluhah, TRSU leh Bahankshyam Unnayan Sakti (BUS) chuan OIL thiltih tum chu dan kalh a ni a, mipuite ngaihdan pawh lak a ni lo tih an sawi. He hmun hi ecologi­cally sensitive zone (ESZ) huamchhunga awm a ni a, OIL hian environmental clearance an hmuh hmain hna hi an thawk ṭan tih an sawi bawk. 

OIL chuan hna hi a ṭan tawh a, activist-te chuan a project hi sut leh tur leh, mipui ngaihdan lak bakah National Board of Wildlife (NBWL) clearance nei phawt turin an phut a ni.