OIL-in Project OIL Sparsha kalpuina tur MoU ziak

Oil India Limited (OIL) chuan Piramal Swasthya Management and Research Institute (PSMRI), Guwahati nen ‘OIL Sparsha’ kal­puina turin Memorandum of Understanding (MoU) an ziak.

‘OIL Sparsha’ hi OIL’s Corpo­rate Social Responsibility hnuaia Mobile Dispensary Project a ni a, OIL Field Headquarter, Duliajan-ah inremna hi an ziak a ni. OIL lam aiawh hian Bimal Dutta, ED (HR & Admin) chuan a hming a ziak a, PSMRI aiawh hian Devika Chaddha, GM (CSR) chuan a ziak thung. Inremna ziahnaah hian Pranjit Deka, OIL resident chief executive leh Medical, Planning, Finance, Contracts leh Public Affairs Department-a OIL official-te pawh an tel.

Inremna an ziahna hnuaiah hian Assam-a Tinsukia, Dibrugarh leh Charaideo district-ahte project hi kalpui a ni dawn a, Arunachal Pradesh hmun ṭhenkhatah pawh kalpui a ni ang. Hemi hnuaiah hian kumtinin mi nuai hnih velin hlawkna an tel thei ṭhin dawn niin an sawi.

Mobile Dispensary camp hi 2000 vel zet siam a ni dawn a, hengah hian doctor, nurse leh a thlawna paramedic- lab testing leh diagnose tih theihnate a awm dawn a ni. OIL hnuaiah hian Mobile Dispensary project hi community welfare project lian ber zinga mi a ni reng a, kum kaw kal ta chhung khan mi nuai 13 velin an chhawr tawh a, camp pawh 9,351 an din tawh a ni.