Assam-ah International Multi-Modal Hub hmasa ber

Assam industry minister Chandra Mohan Patowary chuan an state-ah India rama International Multi-Modal Hub hmasa ber din a ni dawn tih a sawi. 

Minister chuan he project thawhna tur hian cheng vaibelchhe 600 vel ruahman a nih thu leh, Asian Development Bank (ADB) in hna thawhna tur sum hi pek a remtih thu a sawi bawk. Assam hian October 22 leh 23-ah India-Bangladesh Stakeholders' Meet a thleng dawn a, he hunah hian insumdawn tawnna tur kawng remchang leh ṭha te sawiho a ni ang. 

Patowary chuan Assam sorkar chuan Brahmaputra lui bula Jogighopa khaw cheiṭhat a tum thu sawiin, he hmun hi Assam, Arunachal Pradesh leh Nagaland aṭanga Bangladesh pan turte tana hub-a siam an tum tih a sawi. Bangladesh-a Munshiganj River Terminal chu custom station atan hman a ni bawk ang, a ti.