SC-in Assam NRC coordinator sawnna thupek tichhuak

Supreme Court chuan Assam-a National Register of Citizens (NRC) coordinator Prateek Hajela transfer order chu nimin khan a tichhuak. 

Chief Justice Ranjan Gogoi kaihhruai bench chuan Prateek Hajela hi Madhya Pradesh-ah a sawn a, sorkar hnenah a transfer-na hi ni sarih chhunga tifel turin a hriattir nghal bawk. 

Attorney Genral KK Venu­gopal chuan bench hnenah hian Hajela sawn a nih thutna chhan a awm em tia a zawh chu, CJI chuan chhan nei loin order engmah siam a ni ngai lo, tiin a chhang. Hemi rual hian sawnchhuah a nih thutna chhan erawh a sawilang lo. 

Assam NRC kalpui a nih dan­ah thil a tifel tawk lo nia sawiin Hajela lakah hian FIR pahnih thehluh a lo ni tawh bawk. Assam sorkarin NRC final list a tihchhuahah khan mi nuai 19 chuang an tel lo a, hei hian sawisel pawh a hlawh hle. List-a telloh zingah hian leilung fa tam tak an tel a, heng mite hmaih an nih chungchangah Haleja hian a tilui nia puhna pawh a awm a ni.