SDF-in Sikkim Governor hnenah memorandum thehlut

Sikkim-a eptu party, Sikkim Democratic Front (SDF) chuan Governor Ganga Prasad hnenah memorandum thehlutin, by-election neih turah inthlanna thianghlim leh felfai a awm theihna tura inrawlh turin an ngen. 

SDF hian rorellai, Sikkim Krantikari Morcha (SKM) worker-te chuan inthlan kalphung tibuai zawngin tharum thawhna an thlen bakah, inhuatna chawk tho thei zawngin an che niin an puh. SDF party president leh chief minister hlui Pawan Chamling election campaign convoy pawh lunga tawng a ni tih sawiin, an chetdan hian CM hlui hi tihnat an tum ngei tih leh, a nunna pawh dinhmun derthawngah an dah tih an sawi a ni. 

Hetianga rorellai lam party-in tharum thawhna thlen a, dan leh thupek bawhchhe zawnga an che zel chuan inthlanna dik leh thianghlim a awm theih loh an hlauh thu Governor hnena an thu thlenah hian an sawi.