Manipur zirlai pawlin MHRC inrawlh turin ngen

Manipur zirlai pawl,  Democratic Students’ Alliance of Manipur (DESAM) chuan Jiribam Hospital chu a hming chauha kal, hna thawk mumal lo nia sawiin, Manipur Human Rights Commission (MHRC) chu inrawlh turin an ngen. 

DESAM chaun hospital ward-te chu khar an ni deuh reng a, emegency service pawh doctor pakhat chauin a enkawl tih an sawi a, hospital-ah hian inenkawlna leh facility-te a awm mumal lo a ni, an ti. Hei vang hian MHRC chairperson hnenah a ṭul anga hospital leh thuneitute chungah hma la turin an ngen a ni. 

Hospital-a doctor leh staff dahte chu an awm mumal ngai lo a, mahse attendance register-ah chuan awm (present) anga dah zel an ni tiin, an hlawh an la reng tho tih an sawi. He thil hi hospital lam thuneitute inthlahdah vanga an ngaih thu an sawi.