Union minister hoin Manipur security dinhmun sawiho

Union minister of state for home affairs, G Kishan chuan Manipur tlawhin, Thawhlehni khan state security dinhmun an sawiho.

Reddy leh Manipur chief minister N Biren Singh-te chuan chief minister secretariat-a security review meeting an kaihruai dun a, he hunah hian state chief security, DGP, Home department official-te leh Unified Command officer-te an tel. Manipur-ah hian Unified Command hming helho lakah beihpui thlak a ni a, he command-ah hian Indian Army leh Central paramilitary forces (CRPF, the Assam Rifles, BSF etc) te an tel a ni. 

Union minister hian Thawhṭanni khan Manipur-ah ni hnih cham turin Manipur hi a tlawh a ni. Thawhlehnia security review meeting neih a nihna chhan hi sawichian a ni lo thung. Mahse he meeting hi Naga peace talk neih mek, a hmawr an bawk hnaih tawh avangin hemi kaihhnawih vanga neih nia sawi a ni.