Hmarchhak hmasawn nan inkal-pawhna ngaipawimawh: VK Singh

Union minis­ter of state for road transport and highways General (Rtd) VK Singh chuan sorkar laipuiin hmarchhak bial tih­hma­sawnna turin inkalpawhna lam a ngai pawimawh hle tih a sawi. 

Guwahati-a India-Bangladesh Stakeholders' Meet hawnna inkhawmah thu sawiin, minister chuan he meeting hian ramri kaltlanga ram pahnihte insumdawn tawnna a tihchak ngei tur thu a sawi. 

VK Singh chuan India, a bikin hmarchhak bial leh Bangladesh-te economy lama an inzawmna tihchakna turin ramri bazar, Border Haat-te chu an pawimawh hle tih a sawi. Border Haat-te chu ram pahnih ramri bula cheng mi eng emaw zatin ei hmuhna atan an hmang a ni tiin, Jogighopa-ah multi-modal transportation hub din a ni dawn tih a sawi bawk.  

Singh chuan Vajpayee hun lai khan hmarchhak leh ramchhung hmun dangte four-lane hmanga inkalpawhna tur, East-West Corridor siam a ni, a ti. Prime minister Narendra Modi chuan kum nga kalta chhung khan hmarchhak bial tihhmasawnna turin Act East Policy bakah inkalpawhna lam a ngai pawimawh hle bawk a ni, tiin a sawi.