Tripura-a gas chuang hmun dangah phur chhuak dawn

Oil and Natural Gas Corpo­ration (ONGC) Chairman-cum-Managing Director (CMD) Shashi Shankar chuan kum 2020-21 chhungin Tripura-in hydrocarbon a hman zawh sen lohte chu hmarchhak state dangah emaw, ramchhung hmun dangah emaw phurh chhuah an ni dawn tih a sawi. 

ONGC Tripura Asset hi ONGC onshore asset zinga gas siam chhuak tam ber a ni. Shanker chuan, "ONGC Tripura Asset hian gas MMSCMD 5.01 a siam chhuak a, mahse a hmangtu lamin an daih tawk loh vangin gas siam chhuah zinga 50% vel hi hman lohin a awm mek a ni. Gas demand a tlakhniam avangin ONGC hian a sum lak luh ṭhin aṭanga 30% a hloh a ni," a ti. Tripura-in hydrocarbon hman sen loh a neih hi hmarchhak state hrang hrangte thlunzawmna tur, Indradhanush pipeline zawhfel a nih hunah lak chhuah a ni ang, a ti. 

Shanker chuan Gajalia, Khu­bal leh Trishna-a gas khur siam mekte chu zawh a nih hunah Tripura gas siam chhuah hi a la  punbelh dawn a ni, a ti bawk.