Manipur-in Dubai-ah sawhthing thawn dawn

Manipur Organic Mission Agency (MOMA) chuan Ma­nipur Horticulture and Soil Conservation department puih­nain, Pherzawl district-a sawh­thing chingtu, mi 10-te sawhthing tharchhuah chu kumin chhung hian Dubai com­pany, Nature and Cure hnenah a thawn dawn. 

Horticulture and Soil Con­servation minister Thounaojam Shyamkumar chuan organic farmer register-te chawikanna tura hmalakna kawng khat atan, Nilaini khan Sinlung Organic Farmers Producers Company (FPC), Pherzawl aṭangin sawhthing metric ton 3.5 chu New Delhi-a Revanta Foods Pvt Ltd. hnena supply turin a lo vailiam tawh bawk. 

Minister chuan an depart­ment leh  agency MOMA chuan sorkar Union ministery of agriculture an farmer's welfare scheme, Mission Organic Value Chain Development for North East Region (MOVCDNER) hnuaiah organic farmer-te tan theihtawp an chhuah zel dawn tih a sawi. Department official-te chuan state chhunga an thlai thar chhuahte, state pawn lama hralh a nih theihna turin rim takin an thawk a, an hlawhtling chho mek a ni, a ti.