HRD-in President hnenah Manipur University VC ban turin ngen

Union human resource development (HRD) ministry chuan President Ram Nath Kovind hnenah Manipur University vice-chancellor AP Pandey chu university a enkawl danah thil fel tawk lo a awm nia sawi a nih vangin ban turin a ngen. 

AP Pandey hi kum 2016 aṭang khan central university hotu atan hian dah a ni a, mahse university a enkawl danah thil fel tawk lo a awm nia sawisel a ni fo. Zirtirtute leh zirlaite pawhin VC laka lungawi lohna hi an lo lantir tawh a, kum 2018 September thla khan HRD ministry chuan Pandey hi a suspend a, Manipur chief secretary Jarnail Singh kutah mawh­phurhna dahin, university official website-ah pawh Singh hi vice-chancellor tia tarlan nghal a ni.

Suspend a nih hnuah Pandy hian a chenna inah hian file pawimawh eng emaw zat chu a kawl lui nia puh a ni. University staff-te ngei pawhin file pawimawh 10 chu Sanjenthong-a Pandey chenna inah an thawn tih an sawi. Mahse tun thlengin heng file hi Pandey thlaktu, Singh kutah hian thawn kir a la ni lo. 

Member pahnih awmna inquiry committee chuan Pandey puhna hrang hrangte hi an chhui mek a, mahse committee-in a koh pawhin Pandey a inlan duh lo a ni.