NSF-in lungawi lohna lantir dawn

Naga Students' Federatoin (NSF) chuan Nagaland-a Staff Selection Borad (SSB) din an phut chungchang, sorkarin tun thlenga a lo tihhlawhtlin sak loh vangin October 30 aṭang hian lungawi lohna an lantir dawn. 

NSF chuan thuchhuah siamin, Presidential Council meeting an neih hmasa berah SSB din tura phutna resolution hi an siam tawh tih an sawi. Mahse an thil phut hi sorkarin a ngaihsak zui loh avangin, October 31 aṭang hian a thawh khatna atan lungawi lohna lantir a ni dawn tih NSF president Ninoto Awomi chuan a sawi. School, college leh university-ah zirlaiten badge dum an bel vek dawn a, NSF office-in hriattirna dang a tihchhuah leh hma chuan an bel rih dawn a ni. 

Zirlai pawl chuan Naga mipuite hnen­ah pawh an thil phut hi an thlawpna lantir turin an ngen nghal bawk. Kumin June 11 khan NSF chuan chief minister hnenah memorandum thehlutin, thla hnih chhung ngeiin an state-a SSB dinna tur buaipuitu tur draft committee din turin an phut a ni.