Tripura-a TRS camp tihtawp tumna duh lo

Tripura sorkarin state chhung hmun hrang hranga Tripura State Rifles (TSR) camp 61 tihtawp a tumna chu mipuite an duh lo. Hetihlai hian camp tihtawp hna hi kalpui ṭan a ni. 

TRS camp awmna bialte chuan sorkar thupek siam hi an duh loh thu sawiin, lungawi lohna lantir nan kawngpuite an dang a ni. Tripura-ah hian kum 1980 chhoah khan inlakhran duhna a hluar chhoh avangin state sorkar chuan Central Para Military Force (CPMF) zul zuiin security force din a rel a, inlakhran duhtu pawlte laka beihpui thlak turin Tripura State Rifles Act, 1983 hnuaiah TRS hi din a ni. Hemi hnu hian Tripura Police-te chuan hel hluarna bialah hian TRS camp hi an siam a, sipai dah zat pawh an tipung chho zel a ni. Tunah hian TRS hi batallion 12 an awm mek a ni. 

Eptu pawl CPI(M) pawhin sorkarin TRS camp tihtawp a tum chu an sawisel a, nakkumah Autonomous District Council inthlan an hmabak laia security camp lo tihtawp chu ṭha lo an tih thu an sawi.