Arunachal Pradesh-ah punkhawm khap

Arunachal Pradesh-a Namsai district-ah misualten chenna in 14 zet an hal hnuah buaina a chhuah leh avangin district chhungah mi panga aia tam punkhawm khapna thupek tihchhuah a ni. 

Chenna in an halsak hi October 12-15 a thleng tawh kha a ni a, heng inte hi Tengapani Forest Reserve hnuai, Khai-Hay Nallah bula awm an ni. Adi Students Union (AdiSU) chuan in halsaknaah hian All Tai Khampti Sing­pho Students Union (ATKSSU) member-te an inhnamhnawih nia sawiin man turin an phut. AdiSU hian kar kal ta Zirtawpni khan pawikhawihtute man phutin kawng an zawh a, kawngzawhte hi paramilitary force-te nen an innawr buai zui a ni. All Tai Khampti Sing­pho Students Union chuan pawikhawihnaah hian an inrawlh lo tih an sawi thung. 

Zirtawpni zan khan deputy chief minister Chowna Mein leh home minister Bamang Felix-te chuan emergency meeting an ko a, Namsai-a an in an halsak chhungkuate hmu tura sorkar aiawh tirh an rel bakah, boruak muanawm a awm theihna tura hma lak dan turte an rel. Minister Felix chuan boruak ṭha a awm theihna turin Arunachal Indigenous Tribes Forum chu inrawlh turin a ngen bawk.