Shillong lui thenfai rawtna Sorkar laipuiin a pawm

Meghalaya State River Rejuvenation Committee-in an state-a lui pahnih Wa­humkhran leh Wah Umshyrpi thenfai rawtna a siam a thlen chu Central Pollution Control Board chuan a pawm. 

Lui pahnih thenfai rawtna pawmsak an nih thu hi Meghalaya State Pollution Control Board (MSPCB) chairperson, CP Marak chuan Thawhṭannia Shillong-a plastic waste management chungchanga function neih­naah a puang a ni. 

Principle Chief Con­ser­vator of Forests (PCCF) ni bawk, Marak chuan CPCB in rawtna a pawmsak tak avangin, Natio-nal Green Tribunal (NGT) in a thupek zawm loa puha cheng vaibelchhe khat chawi tura a lo tih tawh chu ngaihhna­thiam a dil nghal thei dawn a ni. 

Marak chuan heng lui pahnih thenfaina kawngah hian mi tinin mawnphurhna an nei an tih sawiin, an mawhphurhna ṭheuhte hre turin a ngen. Lui pahnih bakah hian state chhunga lui dang panga thenfaina turin ruahmanna pawh siam a nih thu a sawi.