US-in Arunachal Pradesh-a health centre tam zawk a ṭanpui dawn

US Ambassador to India, Kenneth Ian Juster chuan Thawhṭanni khan US chuan Arunachal Pra­desh health sector tih­hma­sawnna turin sum hmangin an ṭanpui tih a sawi.

Kenneth Ian Juster chuan health centre tam zawk ṭanpui an tum leh mek tih a sawi a, tunlai technology changkang zawkte hmangin hma­sawnna thlen an tum a ni.

Tawang Festival hawn hmaa thu a sawi­naah Juster chuan hemi chungchang hi sawiin, Namsai leh Pasighat-ahte chuan US-in damdawi-in leh health facility-te hmasawnna an thlen tawh tih a sawi bawk.

US chuan India ram hmun tam takah hnam tihdan phungte humhim a nih theihna turin hma lain an ṭanpui tih sawiin, University of Florida leh Arunachal Pradesh-a central university awm chhun, Rajiv Gandhi University-te pawh re­search tihna kawngah an thawkdun tih a sawi a ni.