Tripura : Bawng 250 chuang rukbo a ni tawh

Border Security  Force (BSF) ten Bangladesh-a bawng tawlhruk tur an man, Sepahijala district-a bawng enkawlna hmuna an dah ṭhinte chu thla ruk chhungin 250 chuang an bo tawh nia sawi a ni. 

Agartala aṭanga km 22-a hla, Debipur khuaa bawng dahna hmun hi Delhi-based Dhyan Foun­dation in a enkawl a ni. Foun­dation hian Madhupur police station-ah complaint thehlutin, bawng rukbo an nih ṭhin thu hi a sawi. Tunah hian bawng enkawl lai hi 596 an nei a ni. 

Bawng enkawlna­ah hian thawktu 18 an awm a, supervisor pakhat a awm bawk. Hnathawktu tam zawk hi chhun lamah an thawk a, zanah chuan thawktu pahnih leh super­visor chauh hi an awm ṭhin a ni. Bawng enkawlna hmun aṭanga bawng rukbo a nih tak fo avang hian CCTV camera pali pawh dah a ni tawh tih an sawi bawk.