AIADMK hruaitu hlui VK Sasikala jail atangin chhuah

Tamil Nadu chief minister hlui J Jayalalithaa-i thawhpui ṭhin leh a party, AIADMK aṭanga hnawhchhuah tak, VK Sasikala chu eiruk thubuai avanga Bengaluru jail-a kum li  a tan hnuah nimin khan official-in chhuah a ni ta. 

Kum 66 mi, VK Sasikala hi Covid-19 a kai avangin January 21 khan Victoria Hospital-ah dah a ni. Damdawi-ina enkawl a nih mek lai, nimin chawhma dar 11 khan official-in Bengaluru-a Parappana Agrahara jail-a a tan hun tur a tlak tak avangin official-in chhuah a ni. Mahse Victoria Hospital-ah hian enkawl chhunzawm a la ni dawn a, Karnataka-a awm chhung hian Karnataka police-ten an la veng dawn a ni. Hospital thuneitute chuan a ngaihtuahawm lo tih an sawi. 

Karnataka-ah hian Covid-19 kai te chu ni 10 hnuah asymptomatic an nih chuan damdawi-in aṭangin chhuah tir theih an ni a, hei bakah hian oxygen hman ngea loin ni thum an awm a ngai bawk.