KMSS student wing-in sit-in protest huaihawt

Krishak Mukti Sangram Samiti (KMSS) student wing, Chatra Mukti Sangram Samiti chuan KMSS hotu jail-a tang mek, Akhil Gogoi chhuah tur leh, Citizenship Amendment Act (CAA) sut tura phutin Guwahati University kawtah Thawhlehni khan darkar 12 awh sit-in protest an huaihawt. 

Nawrh huaihawtte chuan Narendra Modi-a'n thuneihna a chelh hnuah, democracy kalphung zawm chungin boruak ṭha tak hnuaiah nawrh an huaihawt a, mahse hmun tam takah nawrh huaihawtte chu tharum hmanga  nek chep an ni ṭhin niin an sawi. Nawrh huaihawtte chunga sorkar chet dan ṭhin chu ṭha an tih loh thu leh, democracy dinhmun pawh a derthawn thu an sawi. CAA a dodal avanga kum khat leh a chanve chuang jail-a khung tawh, Akhil Gogoi chu chhuah thuai tura an phut thu an sawi bawk. 

Arshad chuan, "Sor­kar  hian a chetdanah inchhirna engmah a nei lo a ni. CAA dodalna avanga Assam mipuite chungah tawrhna thleng leh, zirlaite thah an ni te chu thil zahthlak tak a ni. Hetichung hian sorkar chuan he dan sakei leh ram leilung fate tana hlauhawm tak, CAA hi kaltlangpui a tum lui tho a ni," a ti.