Dan kalha thiltite sorkarin a hum lo : Meghalaya Dy CM

Meghalaya deputy chief minister Prestone Tynsong chuan Meghalaya Democratic Alliance (MDA) sorkar chuan dan kalha thiltite tumah a hum lo tih a sawi. 

State chhunga dan loa  lungalhthei khur siam leh phurchhuah chungchangah sorkar chuan hma a la ṭha tawk lo a, dan loa thiltite humin sorkar ngei pawh a inhnamhnawih tel niin eptu lam chuan an puh a ni. 

Meghalaya-a dan loa lungalhthei khur siam leh phur chhuah chungchangah National People's Party (NPP) kaihhruai MDA sorkar hian sawisel a tawk nasa hle. MDA sorkar tel, BJP leh eptu party Congress chuan dan loa thiltih awmte chu chhui chian an phut. BJP chuan East Jaintia Hill-a lungalhthei khura thawktu paruk an thih chungchangah home minister Lahkmen Rymbuui chu bang turin an phut bawk a ni. 

Mahse sorkar chuan dan kalha thiltih hi a awm lo niin a ṭang tlat thung a, deputy CM chuan police-te pawh ngun taka vil tura hriattir an nih thu leh, dan kalha thilti a awm a nih chuan sorkar chuan a hum dawn lo a, dan hmangin an chungah action a la zel dawn a ni, a ti.