Manipur CM-in Poshan Maah a hawng

Manipur chief minister N Biren Singh chuan Pathianni khan Tribal Research Institute (TRI), Imphal-ah Poshan Maah (National Nutritional Month), 2019 a hawng. 

CM chuan mipuite rawngbawl hna chu tih tak zet a thawk a, inpekna leh rinawmna nena thawh a ngai a, mimal hlawkna tur aiin mipuiten an ṭhatpui tur ngaihtuah zawk a ni tur a ni, a ti. State sorkar chuan retheihna umbona turin scheme hrang hrang a kalpui tih a sawi bawk. 

Biren Singh chuan welfare scheme hrang hrang kalpui a nih thu sawiin, mipuiten heng welfare scheme-te hi an chhawr ṭangkai ngei theihna tura uluk taka vil a ngaih thu a sawi. State mipuite pawh sorkarin scheme a siamte chhawr ṭangkai dan zawng turin a chah bawk a ni. 

Manipur CM chuan prime minister Narendra Modi chu 'prime minister ropui' tia sawiin, ram mipuite hamṭhatna tur ngaihtuahin welfare scheme tam tak a siam a ni, a ti. Ram hruaitu dang, ani anga ram tana hna thawk nasa hi an la awm lo tiin a sawi.