Naga tribes’ coordination meeting-in Politics buaina ralmuang taka chinfel duh

Naga tribes’ coordina-tion meeting vawi thumna chuan resolution siamin, Naga politics buaina chu a rang thei ang bera ralmuang taka chinfel an duh tih lungrual taka an pawmtlan thu Pathiannia thuchhuah an siamah an tarlang.

Meeting chuan ngenna lehkha siam turin thutlukna an siam a, hetah hian Naga group-te chuan dawhkan khat kiltlangin ralmuang taka buaina chinfel a nihna tur agenda inang siam an tum a ni. Naga tribes’ coordi-nation meeting hi Eastern Nagaland People’s Organisation (ENPO) koh niin, meeting-a kalte hian NSCN (IM) leh Naga National Political Groups (NNPGs)-te pawh hmuh leh an tum tih an tarlang.

Meeting-ah hian Naga pawl hrang hrang- Ao Senden, Sumi Hoho, Lotha Hoho, Rengma Hoho, Pochury Hoho, Zeliangrong Public Organisation, Central Nagaland Tribes Council leh ENPO-te bakah federating tribal body paruk an tel a ni.