Tripura-in Middle-east aṭangin LPG lalut dawn

Tripura chuan Bangladesh-a Mongla port kaltlangin, Middle East aṭangin LPG (Liquefied Petroleum Gas) a lalut dawn tih state official chuan a sawi. 

Secretary for Food, Civil Supplies and Consumer Affairs, Tripura, Debashish Basu chuan Tripura sorkar ngenna angin, Indian Oil Corporation chuan Bangladesh private organisation puihnain, Middle East aṭangin LPG hi a lalut dawn a ni, a ti. Tripura hian LPG hi Guwahati, Assam aṭangin tanker hmangin a lalut ṭhin a ni. 

Basu chuan thla khat chhungin Middle-East aṭanga LPG lalut tur hian Mongla port kaltlangin Tripura hi a thleng thei dawn tih a sawi a, West Tripura-a Bishalgarh bottling plant-ah phurh an nih tur thu a sawi. 

Mongla sea port hi Bangladesh-a lawngchawlh hmun lun ber dawttu a ni a, Tripura aṭangin km 120 a hlaa awm a ni.