AP sorkarin hospital-ah telemedicine facility dah tum

Arunachal Pradesh sorkar chuan state chhunga hospital leh community health centre (CHC) hrang hrangah service tihchangtluna, telemedecine facility dah a tum. 

State sorkar chuan district-a healthcare unit-ah he facility atan hian specialist dah vek a tum bawk a ni. State health department chuan he system hi Tomo Riba Institute of Health and Medical Sciences (TRIHMS) nen hub-and-spoke model-in thawh a ni dawn tih a sawi.  Hub-and-spoke model hi connection system chi khat niin, hospital leh CHC ( spoke) nena inbiakpawhnate leh centre-a hub-a thlunzawm vek a ni. 

AP sorkar hian tunhnaiah healthcare insurance, chhungkaw tinten kum khata cheng nuai nga chin an hman theihna tur Chief Minister's Aroyga Arunachal Yogjana chu a lo tlangzarh tawh bawk. He scheme hi thuam chak zel niin, scheme hman theihna tur hian Guwahati, Dibrugarh, Mumbai leh Delh-a hospital pawimawhte pawh thlunzawm tum a ni tih a sawi.  

Hei bakah hian AP sorkar chuan Chief Minister's Free Chemotherapy scheme hnuaiah, cancer veite enkawlna cheng nuai nga chin pek theihna tur leh, kal (kidney) thlak ngaite hnenah cheng nuai 10 chin pek theihna turte pawh a lo siam tawh bawk.