Agartala-a CrPC 144 puan pawtsei

Tripura khawpui, Agartala-a nawrh huai­hawt mek, zirtirtu ban takte leh security force-te innawrbuaina avanga West district magistrate-in Agartala Municipal Corporation (AMC) area-a punkhawm khapna,  CrPC Section 144 a puan chu January 30 thleng atan pawhsei a ni. 

West district ma­gistrate leh collector Dr Shailesh Kumar Yadav chuan nawrh hauihawt leh police-te intihbuainaah hian mi 87 in hliam an tuar a, an zinga 70 chu zirtirtute niin, police 17 an tel niin a sawi. Police hliam tuar zinga paruk chu hmeichhia an ni. 

Yadav chuan Joint Movement Committee (JMC) hmanga nawrh huaihawt, zirtirtu ban takte hian buaina an chawh chhuah leh mai a hlauhthawnawm nia report a dawm thu sawiin, hei vang hian punkhawm khapna thupek pawh hi pawhsei a nih thu a sawi. 

Eptu pawl, CPI(M) chuan police-ten nawrh huaihawtte inkhuarna hmun luhchilh a, an puan inte an tihchhiatsak leh kut thlak an ni chu an dem thu an sawi. State Congress president Pijush Kanti Dey pawhin sorkar lam chet dan chu a dem thu sawiin, nawrh huaihawtte chu kut thlak loin an harsatna chinfel sak dan tur ngaihtuaha inbiakna neihpui zawk tur a ni, a ti. A hma pawhin BJP sorkar chuan zirtirtu aṭanga ban takte hi an  harsatna chinfel sak pawh alo tiam tawh niin a sawi.

Hetih lai hian rorellai, BJP thupuangtu Nabendu Bhattacharjee chuan nawrh huaihawtna hmuna buaina chhuakah CPI(M) mi leh sa ṭhenkhat an inrawlh niin a puh thung.