Assam-a Leader of Opposition-ah Saikia awm chhunzawm

Congress Legislature Party (CLP) leader, Nazira bial MLA Debabrata Saikia chu Assam Legislative Assembly (ALA)-ah Leader of Opposition a ni chhunzawm zel dawn. 

Guahati High Court division bench chuan Nilaini khan ALA Sec­retariat-in tun thla tir lama Assembly-a Leader of Opposition a nihna aṭanga Saikia ban tura  ngenna a thehluh chu a hnawlsak a ni. Division bench hian ALA Secretariat  hi single judge hnenah a ngenna hi thlen turin a ti. 

Leader of Opposition a nihna paihsak tura ngen a nih chungchanga Saikia hian High Court chu inrawlh turin alo ngen tawh a ni. January 12 khan High Court chuan Assembly Speaker-in Leader of Opposition aṭanga Saikia hnawl a nihna thuchhuah a siam chu a lo 'stay' sak tawh a ni. 

Assam-a Congress MLA pahnih-ten an party chhuahsan a BJP an zawm hnuah, Congress hian MLA 20 chauh a nei ta a, Leader of Opposition dinhmun nei thei tura Assembly-a seat awm aṭanga hmun ruka ṭhena hmun khat, MLA 21 an nei pha ta lo a ni. Hei vang hian Speaker pawhin Saikia nihna hi hnawlsak a nih chungchangah hian thuchhuah a siam a ni.