Assam leh Meghalaya chief secy-te inbia

Meghalaya leh Assam chief secretary-te chu ramri chungchanga buaina a awm thar leh avangin Ningani khan Shillong-ah an inbia a, an buaina chinfel dan turte an sawidun. 

Assam Police-te chuan Meghalaya-a West Khasi Hills district-a Langpih bulah border outpost siam an tum a, hei hi Meghalaya state mite chuan duh loin Langpih bula Umwali khuaah buaina a chhuah phah a ni. 

West Khasi Hills SP, Bashanbor J Laloo chuan buaina chhuak hi an thunun thei tawh tih sawiin, venthawn thilah ramri ah hian sipai tam vak lo dah rih an nih thu a sawi. 

Meghalaya leh Assam hi ramri chungchangah an intihbuai fo a, sorkar pahnihte hian an buaina hi inbiakna hmanga chinfel dan kawng an zawng mek a ni. 

Buaina chhuah tharna, Langpih hi state pahnihte hian an ram chinah an chhal ve ve a, he hmunah hian buain pawh chho foin mi eng emaw zatin nunna pawh an lo chan phah tawh bawk. Nikum khan buaina chhuakah mi tam takin Assam police-te kut an lo tuar tawh bawk a ni.