AP: Greenfield airport siamna tur pawm

Union Finance Minis­try chuan Zirtawpni liam ta khan Arunachal Pradesh-a Hollongi-a greenfield airport siamna tura ruahmanna awm chu an pawm thu official-te chuan an sawi.

Hollongi airfeld siamna tura rawtna awm hi December 28 khan Ministry of Environment and Forest leh Ministry of Civil Aviation Steering Committee-te pawhin an pawm tawh bawk.

Chief Minister Pema Khandu chuan cheng vaibelchhe 1,055 senna tura an ruahman, green­field airport chu state-of-the-art infrastructure a nih dawn thu sawiin, economic hmasawnna bakah tualchhung mite tana inkalpawhna awlsam a nih dawn thu a sawi a, project hi kalpui a nih hunah chuan tourism lamah pawh nasa takin hma an sawn dawn thu a sawi.

Finance Ministry-a Public Investment Board-te chuan uluk taka an ngaihtuah hnuah state sorkarin a ruahman land acquisition rate chu an pawm a ni. Mahse board chuan ram, buaina awm miah loa Airport Authority of India kuta dah leh kum li chhunga airport peih hman chu state kuta an dah thu an sawi thung. 

CM Pema Khandu chuan Team Arunachal tan thu lawmawm tak a nih thu a sawi a, kum tam tak an lo suangtuah tawh mahni airport ngei neih chu an duhthusam a nih thu a sawi a ni. CM chuan Prime Minister Narendra Modi leh sorkar laipui lakah an project a taka puitlin tura an hmalakna chu lawmthu a hrilh nghal a ni.