Tripura: Darkar 12 bandh in nunphung tibuai

Tripura-a indigenous party paruk-ten Citi­zenship (Amendment) Bill dodalna bandh an huaihawt ṭuma ṭhalai parukin hliam an tuar duh lohna lantirna atana Inrinnia darkar 12 bandh an huaihawt chuan nunphung a tibuai hle niin police-te chuan an sawi.

Police-te chuan  TTAADC (Tripura Tri­bal Areas Autonomous District Council) area-a bandh huaihawt hi a ralmuang hle nachungin hmun hnihah chuan buaina a chhuak tih an sawi. Bandh thlawptute hian western Tripura area chhunga Bishramganj area-ah passenger phur lirthei leh two wheeler an bei tih an sawi a ni. 

 

TTAADC-a sorkar office, private office, zirna in, dawr leh sumdawnna hmunte chu khar a nih thu leh bank leh financial institution-te pawh khar a nih thu an sawi. Bandh hi BJP leh Communist Party of India-(Marxist)-te erawh chuan an thlawp lo thung.