Guwahati-ah NEON Tattoo Festival

Guwahati-ah nimin khan hmarchhak biala tattoo festival  lian ber, North East of Nation (NEON) Tattoo Festival 

ṭan a ni. 

Ni thum awh tur, NEON Tattoo Festival-ah hian ramchhung hmun dang aṭangin tattoo artist-te an kalkhawm a; Nepal, London leh Russia aṭangin international tattoo artist-te an tel bawk. festival  buatsaihtu Ripon Basak chuan he festival an buatsaih chhan chu ṭhalaite leh an nu leh pate hnenah tattooing chu eizawnna tlak a ni tih hrilh hriatna atan leh, Assam chu creativity lama eizawnna tlak leh khualzinte tana hotspot-a siam a ni tih a sawi. 

Festival hi NEZCC, Shilpgram a neih a ni a, hmarchhak state hrang hranga band-ten live music an neih bakah, DJ show, fashion show, dance com­petition, celebrity talk show leh panel discussion te neih tel a ni dawn bawk.