Assam University in An campus chhungah nawrh khap

Assam University, Silchar chuan Zirtawpni liamta khan thuchhuah siamin an University Campus chhungah nawrhna leh lungawi lohna chi reng reng lantir phal a nih loh thu an tarlang.

Tunhnaiah Citizenship Amendment Bill duh lohna leh dodalna hmarchhak hmun hrang hrangah lantir mek a nih avangin Assam University hian thuchhuah hi an siam nia ngaih a ni.

Thupek an tihchhuahah chuan University thuneitute phalna lo chuan campus chhungah lungawi lohna lantirna leh kawngzawh chi reng reng khap an nih thu an tarlang a, thupek an tihchhuah hi hman ṭan nghal a nih thu an tarlang bawk.

Thupek bawhchhia an awm a nih chuan dan angin an chungah hremna lekkawh a nih dawn thu an tarlang bawk a ni. 

Assam University zirlaite leh  All Assam Students Union (AASU)-te hian January 9 khan Citizenship (Amendment) Bill duh lohna kawngzawh an huaihawt a, hemi rual hian University main gate bulah sit-in protest an nei a ni.