Sonowal-a'n BJP a chhuahsan chuan kan thlawp ang: Congress

Assam Congress leader Debabrata Saikia chuan Inrinni khan Assam Chief Minister Sarba­nanda Sonowal chu Bharatiya Janata Party chhuahsan tura tiin, BJP a chhuahsan chuan sorkarna siam turin Congress chuan an thawhpui dawn tih a sawi.

Assam Assembly-a opposition leader Saikia chuan state chhunga Citizenship Bill vanga thil thleng hrang hrang thlir hian Sarbanada Sonowal chuan BJP a chhuahsan a ṭul tih sawiin MLA 40 nen chauh pawh a chhuahsan a ṭul niin a sawi a ni. 

Saikia chuan chutiang a thleng a nih chuan Sonowal vek chu Assam Chief Minister a nih leh dawn tho thu sawiin MLA 25 an neihte leh AGP thlawpna hmangin sorkar thar an siam thei dawm tih a sawi.