Citizenship Bill duh loh vangin Akil Gogoi-an hunger strike nei

Assam-a RTI activist lar tak, Akil Gogoi chuan nimin khan Citizenship Amendment Bill 2016 duh loh vangin darkar 24 chhung chaw a ei lo.

Gogoi chuan kumin chhung hian kut pawh a lawm ve dawn lo tih sawiin ‘Uruka’-ah pawh engmah a ei dawn lo tih a sawi a, pawl 70-a member-te nen chaw an nghei dawn tih sawiin nimin chawhnu aṭang kha chawngheia nawrh hi an ṭan a ni.

Citizenship Bill hi sut a nih hma chuan state chhung hmun hrang hrangah nawrh hi chhunzawm zel a nih thu sawiiin BJP in Rajya Sabha-a pawm a tum chhung chu duh lohna hi lantir a ni zel dawn tih a sawi.