Meghalaya: Lungalhthei khur chungchanga mipuite report tlangzarh

Meghalaya-a Jaintia Hills-a lungalh­thei khura mi 15 an tan chungchangah Pathianni khan social activist ṭhenkhat chuan mipuite report Agnes Khar­shing awm laiin an tlangzarh a, report hi Supreme Court-ah thehluh a ni bawk.

Report tlangzarhnaah hian social activist lar tak tak- Agnes Kharshing, Amita Sangma, Angela Rangad, Patricia Mukhim leh Michael N. Syiem-te pawh an tel.

Report hi  “Curse of unregulated coal mining in Meghalaya” tih niin Supreme Court-ah vawiin hian ngaihtuah turin an ngen nghal bawk.

Report hi volume hniha siam a ni. 

Report aṭanga a lan dan chuan Jaiñtia Hills pumpuiah hian lungalhthei khur 24,626 awmin, lunglahthei khur awmna bial hoah hian km khat zelah khur 52 a awm nia tarlan a ni. Lungalhthei khur hi mi hausate tana hamṭhatna nasa tak a nih laiin mi retheite tan erawh hlawkna awm lo nia tarlan a ni bawk.

Facts leh figures tam tak awmin  RTI Act, 2005 hmanga thu an lakte, Comp­troller Auditor General of India aṭanga thu an lakte bakah mimal affidavit-te leh chanchinbu lama report tihchhuahte dahkhawm a ni.