ULFA in Citizen-ship Bill duh lo

Assam hel pawl, United Liberation Front of Assam chuan thuchhuah siamin Citizenship Amendmend Bill Parliament-a pawm a nih chuan remna zawnga inbiakna kalpui mek aṭanga inhnuhdawhah sorkar laipui an vau.

ULFA hruaitu Mrinal Hazarika chuan sorkar laipuiin bill hi a pawm lui a nih chuan, remna zawnga inbiakna chu tihtawp a ni dawn tih a sawi, Assam mipuite nasa taka bill an dodal laiin sorkar laipui remna zawnga inbiakna neihpui chu thil harsa tak a nih dawn thu a sawi bawk.

ULFA leh sorkar laipui hian remna zawnga inbiakna hi kum 2011 aṭang khan an nei ṭan a ni. 

Hazarika chuan bill chu state nihphunga harsatna thlentu a nih thu sawiin, bill pawm a nih chuan inbiakna neih chuan awmzia a nei dawn lo tih a sawi bawk a ni.