Assam Accord ziaktu zinga mi Biraj Sarma a boral

Assam Accord a hming ziaktu zinga mi leh Ason Gana Parishad (AGP) hruaitu hlun ni bawk Biraj Kumar Sarma chu Thawh­lehni khan a boral.

Kum ruk chhung zet ramdang mi duh lohna movement kalpui a nih hnuah August 15, 1985 khan Biraj Kumar Sarma, boral ta Bhrigu Kumar Phukan leh khatih hunlaia Assam Chief Minister Prafulla Kumar Mahanta-te chuan an Assam Accord hi an ziak a ni. Doctor-te chuan Sarma hi thin ṭha lo nei a ni tih an sawi. 

Kumar Sarma hi East Guwahati constituency-ah ṭum li dingin ṭum hnih thlantlin a ni. 1998 kuma ULFA hel-te'n Assam AGP hruaitute an beih ṭum khan Sarma pawh hi beih tawk zingah a tel a, a security zinga pakhat a thih phah hial bawk a ni.