SKM women wing-te'n FIR thehluh

Sikkim Krantikari Morcha(SKM) Women Wing, Nari Shakti-te chuan Chief Minister Pawan Chamling lakah FIR Thawhlehni khan an thehlut. 

CM Pawan Chamling hian hmeichhe thi neih chungchang a sawidanah SKM Women Wing-te hian an lungawi lo tih an sawi a, hetihlai hian Sikkim Democratic Front (SDF) hruaitu Nari Morcha chuan CM tan hian ngaihdam dilna tur a awm lo tih a sawi thung.

Hemi a nih avang hian SKM Women Wing-te hi an lungawi ta lo a, FIR hi thehluh an tum thu an sawi ta a ni. 

Nari Shakti official-te hian Nilaini khan FIR hi thehlutin police-te pawhin hma an lak vat dawn thu an sawi. Nari Shakti-te hian FIR an thehluh bakah hian CID branch-ah pawh complaint an thehlut.

Nikum December 5 daih tawh khan Sikkim CM hian thu a sawinaah hmeichhe thi neih chu thil thianghlim lo a nih thu a sawi a, a chunga a thlen ve loh avangin enge a nih pawh a hre lo niin a sawi a ni. Hemi a sawi lai hian mipuite chu nasa takin an nui nghe nghe nia sawi a ni bawk. He a thusawi vang hian SKM Women Wing-te chuan CM hi an dem hle tih an sawi.