Nagaland Chief Secretary Temjen Toy a thi

Nagaland chief secretary Temjen Toy, IAS chu nimin khan cancer vangin Kohima-ah a thi. 

Toy hi nikum khan chuap cancer a vei tih hriat a ni a, New York-ah in enkawlin, tun hnai maiah Nagaland-ah hian a rawn haw a ni. Nilaini aṭang khan a dinhmun ṭha lo zualin, nimin khan a thi ta a ni. 

1989 batch IAS officer Temjen Toy hi kum 1964-a piang niin, kum 2018 March thla aṭang khan  Nagaland chief secretary hna hi a chelh a ni. 

Nagaland chief minister Neiphiu Rio chuan a twitter-ah Temjen Toy a ui thu hi sawiin, mi inngaitlawm, a hnaa inpe zo tak a ni a, a thihna chu Nagaland sorkar leh Naga mipuite tan channa nasa tak a ni tiin, a chhungte a tawrhpui thu a sawi.