NESO-in hmarchhak state dangah NRC kalpui phût

North East Students Organization (NESO) chuan Assam-a National Register of Citizens (NRC) kalpui chu hmarchhak state dangah pawh kalpui an phut. 

NESO chairman Samuel Jyrwa chuan hmarchhak state dang zawngah pawh NRC hi kalpui an duh tih sawiin, a base year chu state tinte history behchhanin siam ni thung se, an ti. 

Sorkar laipui chuan hmarchhak state-te chuan ramdang nena inrina lai an nei vek tih a hriatthiampui a ngai tih sawiin, Jyrwa chuan an pawl chuan an thil phut chungchangah  union home ministry hotute pawh hmuh an tum 

tih a sawi. 

Assam-in NRC final list a tihchhuahah, state chhunga cheng mi nuai 19 chuang zet chu telh a ni lo. Hei vang hian list-a tel lote hi Assam ṭhenawm state-ahte an tlanchhiat mai a hlauhthawnawm tih a sawi. Hmarchhak state danga pawl hrang hrang pawhin Assam NRC final list tihchhuah a nih hnuah, dan loa an state-a lut turte dang turin ramri-a venhimna khauh zawka kalpui turin sorkar an nawr hlawm a ni.