NRC coordinator lakah FIR thehlut

Assam sorkarin National Register of Citizens (NRC) final list a tichhuahah, state chhung mi nuai 19 chuang zet hming telh a ni lo. Hei vang hian NRC Prateek Hajela lakah FIR thehluh a ni. 

NRC list-a tel lote chuan Prateek Hajela hian list aṭang hian a paih lui nia sawiin, a lakah FIR an thehlut. NRC final list-a mi tam tak hmaih an nih avang hian sawisel pawh a hlawh hle. Assam-a Muslim pawl aiawh, All Assam Goria Moria Yuva Chatra Parishad chuan Guwahati-ah Hajela lakah hian FIR an thehlut a, Dibrugarh-ah pawh FIR hi thehluh a ni bawk.   All Assam Goria Moria Yuva Chatra Parishad chuan NRC update kalpui dan chu hun leh sum paihna mai niin an sawi a, India khua leh tui dik tak mi tam tak hmaih an nih tih sawiin, hetiang hi tum reng vang ti nia an ngaih thu an sawi. NRC list kalpui a nih dan chu ennawn an phut thu an sawi bawk. 

All Assam Students' Union (AASU) pawhin NRC final list-ah ram dang mi eng emaw zat telh an nih laia khua leh tui dik tak telh loh tam tham tak an awm chu an lawm loh thu sawiin, hemi chungchang hi Supreme Court-ah pawh thlen an tum tih an lo sawi tawh a ni.