Arunachal CM-in state railway project enfiah

Arunachal Pradesh chief minister Pema Khandu chu Nilaini khan  Northeastern Frontier Railway (NFR)-te nen an state chhunga  railway project an kalpui mek chu enfiahin meeting an nei.

Chief Minister hian NFR General Manager (Construction) N.K. Prasad chu meeting neihpuiin Murkongselek - Pasighat railway line siam mek chungchang a sawipui a, state sorkar chuan project thawhna tur hian a theih ang zawng zawnga a thawhpui tur thu a tiam.

Meeting-ah hian Arunachal-a railway project kalpui hrang hrang chungchang pawh an sawiho a ni. Project ennawnna an neih zingah hian km 190-a thui, China ramri bula Bhalukpong-Tawang railway line pawh a tel. Pema Khandu hian rel hmanga loneitute thlai tharchhuah hmun danga thawn dan chungchang pawh NRF official-te hi a sawipui a, Naharlagun aṭanga Assam state- Guwahati leh Tinsukia service customer-te satisfaction level a hriat duh thu sawiin, report a beisei bawk a ni. 

CM chuan railway official-te chu customer-te lawmna thlen zel tura ngenin, ṭawih thei lo hmanruate rail-a hman khap turin a ngen bawk.