Dan loa lungalhthei lakchhuahnaah Meghalaya CM inrawlhah puh

Meghalaya Assembly-a leader of opposition, Mukul Sangma chuan chief minister Conrad Sangma chu an state aṭanga dan loa lungalhthei phurhchhuahnaa inhnamhnawihah a puh. 

Chief minister hlui Mukul Sangma chuan dan loa lungalhthei phurhchhuahnaah sorkar khawlte hman a ni tih sawiin, hei hi chief minister Sangma leh a thawhpuite hriatpuinaa ti a nih thu a sawi. Hetiang thil tih hian an state chu dinhmun hlauhawm takah a dintir phah ngei dawn niin a sawi bawk. 

Congress MLA Sangma chuan an state-a rorellai, National People's Party (NPP) kaihhruai sorkar chu state chhunga lungalhthei awm zat chungchang thlak danglam a, Supreme Court thudik tawk lo hrilhah a puh bawk a ni. Hengte hi chief minister thupek anga tih vek a ni, a ti. 

Eptu hruaitu chuan National Green Tribunal leh NGT ruat committee hnenah hemi chungchang hi thlen a tum thu leh, a hmun ngeia enfiah tura a ngen tur thute a sawi.