Assam-ah thla ruk atan AFSPA pawtsei

Sorkar chuan Assam state dan leh thupek dinhmunte ennawn a nih hnuin, sipai hnena thuneihna sang pekna, Armed Forces (Special Powers) Act chu August 28 khan thla ruk dang atan pawhsei a nih thu Inrinni khan a sawi.

AFSPA huaiah hian security force-te chu beihpui thlak tura thuneihna, hriattirna tichhuak hmasa kher loa an mi rinhlelhte man theihna thuneihna pek an ni. He dan hi kum 1990, November thla aṭang khan Assam-ah hian hman a ni. 

Sorkar thuchhuah chuan, AFSPA section 3 hnuaiah state home and political department chuan he dan hi thla ruk dang hman chhunzawm a nih tur thu a puang a ni, a ti. "Thla ruk kalta chhunga Assam state dan leh thupek dinhmunte ennawn a nih hnuin, state sorkar chuan Assam state pum chu 'Disturbed Area' ah puangin, AFSPA hi August 28 aṭanga thla ruk chhung dang hman chhunzawm turin a ti a ni', tiin thuchhuah chuan a tarlang.