Garo District Council inthlan neih hun tur puang

Meghalaya cabinet chuan Garo Hills Autonomous District Council (GHADC) inthlan chu April 9,2021-ah neih a ni dawn tih a puang. 

Deputy chief minister Prestone Tynsong chuan February 4-ah draft electoral roll tihchhuah a ni dawn tih sawiin, sawisel tur neite tan February 18 thleng hun hawn a ni ang. 

Inthlan neih tur atana hriattirna tihchhuah fel a nih hun, March 8-ah GHADC-ah model mode of conduct hman nghal a ni ang. Inthlana chuh tumte tan March 15 thleng nomination a thehlut thei dawn a, hengte hi March 15 ah enfiahin, inhnukdawk duh tan March 19 thleng hun hawn a ni ang. April 9-ah vote thlak a ni ang a, April 14-ah vote tlate chhiar result puang a ni dawn a ni. 

Tynsong chuan inthlan neih turah hian cheng vaibelchhe 15 vel an seng dawn tih sawiin, sum senso tamna chhan pakhat hi Covid-19 protocol vang a ni tih a sawi. 

Nikum October 12 khan Megha­laya cabinet chuan GHADC inthlan neih hun tur hi a sawnhla a, thla ruk chhung atan administrator's rule puangin, hei hi kumin April thla hian a tawp dawn a ni.